Masakit pala ang magmahal
Lalo na at wala kang karapatan
Gusto mo siyang hagkan
Ngunit sarili’y iyong pinipigilan
Siya ay hindi mo pag-aari
Siya sa iyo ay hindi maaari
Sapagkat siya’y malaya pa
Habang ikaw ay hindi na
Mahal mo siya
Mahal ka niya
Ngunit pag-aari ka ng iba
Pag-iibigan ninyo’y kakaiba
Kakaiba…naiiba sa lahat
Pag-ibig ninyo’y bawal
May masasaktan at iiyak
May pusong maaaring mabiyak
Maaatim mo bang lumigaya
Habang may pusong magdurusa?
Kaya mo bang sumaya
Kapalit ng luha ng isa?
Upang maiwasan ito
Isa lang ang naiisip ko
Itigil mo na ang kabaliwan mo
Ayusin mo ang relasyon ninyo.
Huwag kang maging hangal
Pag-ibig ay bigyan mo ng dangal
Siya’y huwag mong ibigin
Puso ninyo’y iyong palayain….
